الحلقة نيوز

الحلقة نيوز

أول عرض من مسرحية " الملك لير " بدون فاروق القيشاوي

فاروق القيشاوي.jpg

فاروق القيشاوي.jpg

 

وجهت الفنانة رانيا فريد شوقي رسالة مؤثرة إلى الفنان الراحل فاروق الفيشاوي، بعد انتهاء أول عرض لمسرحية "الملك لير" في غياب الفقيد، مؤكدة أنه كان من الصعب عليها أن تعيد تقديم المسرحية بدونه، ووقفت حائرة أمام مشاعرها الطاغية بافتقاده وبين واجبها المهني كممثلة أمام جمهور قطع التذاكر وتواجد من أجل مشاهدة المسرحية.

أضافت رانيا عبر حسابها بموقع الفيس بوك: يا روقه (فاروق الفيشاوي) يا غالي إمبارح أول ليلة عرض من غير طلتك علي المسرح وروحك الحلوة وخفة دمك في الكواليس ياااااه إحساس صعب مختلط ما بين المهنية والعاطفة وخصوصا المسرح التزام مهما كانت الأسباب".

تابعت قائلة: حقيقي افتقدناك بشدة ومن أول ما دخلت المسرح وصورتك منورة قريت لك الفاتحة ودايما بدعيلك أنت غبت بالجسد لكن لم ولن تغيب عن البال والقلب الله يرحمك ويجعل مثواك الجنة" .

وسبق لرانيا أن ودعت فاروق الفيشاوي فور رحيله برسالة كشفت عن كواليس مشاركته في عروض مسرحية الملك لير وكيف كان يتعامل مع إصابته بمرض السرطان وقالت: فاروق الفيشاوي اعلن في مهرجان اسكندرية انه مريض بالسرطان و قال انا هتعامل علي انه صداع و حقيقي ده اللي حصل كنا بنعمل بروفات مسرحية الملك لير عمره ما جه مكشر او حزين بالعكس دايما بيضحك و يهزر مع كل الناس من الصغير للكبير روح جميلة طاقة إيجابية.

 

تابعت قائلة: كان دايما يقولي يا بنت الملك و يعد يحكي لي حكايات هو و بابا و لانه انسان اوي هو عارف ان سيرة ابويا بتسعدني فبيتعمد يحكي عشان يسعد قلبي و هو كمان من حبه لبابا بيبقي سعيد انه بيتكلم عنه و يترحم عليه و قالي تعالي اوريكي انا عامل ايه في اوضتي في المسرح لقيته معلق صورة ابويا و فنانين من الزمن الجميل و ابتدينا عرض المسرحية و الله العظيم عمره ما حاسيسنا انه مريض او تعبان بالعكس كان دايما بيهزر و يضحك و يستمتع بالتمثيل لدرجة اننا نسينا انه مريض.

أضافت: و حتي لما اعتذر عن السفر مع المسرحية للسعودية ما قالش انه تعبان و لما رجعنا من السفر عرفنا انه دخل المستشفي في حاله حرجة كنا هنتجنن عايزين نطمن عليه لكن للاسف ممنوع الزيارة و عرفنا الخبر المؤلم كان نفسي اشوفه بس عارف يا روقا انا اتعلمت منك القوة و حب الحياة و ان مع المرض مش لازم اكون ضعيف و افضل اعافر واقف علي رجلي لاخر لحظة استمتع بالحاجة اللي بحبها و هي التمثيل و اشوف حب الناس ليا تصقفهم الحار ليك كل يوم اكيد ده كان بيسعدك و انا شفت ده في ضحكتك و عيونك اللي كانت بدمع اثناء التحيه.

مواضيع ذات صلة